تذكير بمساهمة فاتح الموضوع :
وأخيراً وبعد تفكير عميق واحساس الخوف يتملكني هل سيحبونها أم لا لم أكن أعلم ماذا أفعل كان تفكيري مشوشا ًولاكن هاأنا اليوم أرمي صفحات روايتي بين أيديكم لكي تقرؤونها
لأني علمت أن الخوف وترك رواياتي لدي لكي لا أفشل ليس الحل الصحيح لأن الفشل ليس عيبا ً وسنستفيد منه بتصحيح ماأخطأنا فيه ومع الاستمرار سننجح بكل تأكيد
روايتي الأولى هذه أتمنى ان تنال اعجابكم وتحوز على رضاكم فروايتي لن تكتمل الا بوجود آرائكم
واتمنى كذالك أن تصبح مشهوره ولو أفترضنا ان هنالك من يريد نقلها فأتمنى أيضا ً أن يكتب أسمي عليها ولن أحلل أي شخص ينقلها دون ذكر المصدر الأساسي وهو أنا
خائفة
حائرة
باكية
تبحث عن حضن دافي يلمها
يد حانية تمسح دمعها
صدر حنون يضمها
همس عذب يهدأ من روعها
تصارع ألامها
تقاتل أحزانها
تجاري أقدارها
تعيش أحلامها
تسافر بخيالها
تبحث عن بسمة القدر
تحت قطرات المطر
تشدو أغنية الزهر
ترقص على عزف الوتر
تلامس خيوط الأمل
حتى تتجاوز حدود البشر
لتعيش أجمل لحظات العمر
رواية
•◦ لاتحسب اني لا ابتسمت بوجهك اغليــك بعض الوجيــه اهينها بابتسامه •◦
}تحت قطرآت المطر{
كانت منسدحه بغرفتها واسمعت صوت صراخ مرت عمها واطلعت من الغرفه
تحت بالصاله
أم مهند : لا ياحبيبي ماتزوج اولدي البنت هذي
أبومهند : ماأسمحلك تتجاوزين احدودك لين هنا وبس ورفع يده
أم مهند : أي اضربني اضربني يلا علشان هالبنت اللي قاعده بحلوقنا
أبومهند : بس وراح طلع برآ البيت
شموخ شافت عمها وهو طالع واقعدت تبكي على الارض
شموخ بنت تعيش عند عمها بسبب موت امها وأبوها عمرها 16 سنه
بنت رائعه جمال بشرتها بيضا وصافيه شعرها لين نص ظهرها ناعم حيل النص اللي تحت مموج
لونه بني وصابغه خصل اشقر داكن طالع رهييب
طولها مناسب لسنها اقرب للقصر وجسمها حلو وحيل حيل كيوت
انفها حاد وعيونها بنيه
عمها معاذ ابو مهند صاحب شركه مرته ام مهند مره عاديه بس شريره وتكره شموخ
عيالهم / مهند ومنصور 23 سنه
مهند شاب جمال اللي يجذب فيه هي عيونه الآمعه ورموشه الكثيفه ابيض انفه حاد
شعره القصه الفرنسيه ناعم اسود وجسمه رياضي
منصور شاب رائع يشبه مهند بس فيه اختلافات اشوي ابيض وانفه حاد شعره من قدام القصه الفرنسيه
ومن ورا طويل اشوي اسود وناعم وجسمه رياضي حواجبه عريضه اشوي ومرتبه معطيته جاذبيه اكثر
بعدهم ميار 3 سنوات
.............
عمها الثاني راشد ابو نايف مع اخوه بالشركه ومرته نفس الشي ماتحب شموخ بس ماتئذيها مالها فيها
عيالهم / نايف 23 سنه شاب مملوح ابيض وانفه حاد شعره ناعم بس مفلل يعني واقف بس مب مخليه مثل الكدش عادي
بعده زايد 21 سنه نسخه من نايف بس هواسمر منه بشوي ونفس الشعر وكل شي
بعده نوف 19 سنه بنت حلوه فيها شبه من اخوانها حيل بس هي بيضه حيل شعرها مفلل لين كتفها ناعم صابغته احمر
مناسب على بشرتها البيضا جسمها وسط وطولها عادي
بعدها نوري 15 سنه تشبهم شعرها كيرلي لين رقبتها اسود وصابغه معه احمر اللي يشوفها يقول بنت ثنوي
لأنها طويله طولها طول نوف و حركاتها وسوالفها بعد جسمها حلو
...................
مهند ومنصور و نايف وزايد كانو قاعدين بالمنتزه
زايد : اخبار شموخ زمان عنها ؟
منصور : تمام بس تعرف أمي شوي عليها
نايف : الله يعينها
فارس جاي : سلام شباب
منصور : هلا والله فروس حياك
فارس قعد : الله يحييك .. اخباركم ؟
نايف : تمام وانت ؟
فارس : 100%
مهند : دوم يارب
فارس : دام غاليك .... من متى قاعدين هنا ؟
منصور : والله من العصر
فارس : ماشاءالله وتو تعزموني ماعندكم قلب
مهند : احمد ربك غيرك ماانعزم
فارس : اسكت ولا كلمه
فارس ولد خال مهند ومنصور اعرفكم على خوالهم
خالهم سامح ابو فارس / فارس 20 سنه شاب طيب ومحبوب حنطي وشعره شبه كدش ... نادر 17 سنه حنطي وشعره عادي
خالتهم فاطمه ام منذر /مها 21 سنه بنت طيوبه تهتم بدراستها كثير حلوه حنطيه شعرها ناعم لين كتفها قاصته الفراوله .... بيان 18 سنه حنطيه شعرها ناعم بوي تقريبا
... منذر 16 سنه
.....................
اسمعت شموخ صوت كعب مرت عمها طالعه فوق وقامت ركض ادخلت غرفتها وتسندت على الباب بعد ماسكرته تكمل دموعها
خوال شموخ
الخاله سديم ام ماجد / ماجد 22 سنه شاب وسيم وجذاب ابيض انفه حاد شعره فرنسي ناعم واسود
بعده اسير 19 سنه شاب حلو قمحي فاتح انفه حاد شعره فرنسي مب ناعم وسط
بعده عنود 14 سنه طفله بمعنى الكلمه هذا كل شي
عندهم عم واحد ابو فيصل / لميس 17 سنه بنت مغروره ودلوعه امها حلوه بنفس مستوا جمال شموخ طويله وجسمها حلو انفها حاد
شعرها طويل قاصته قصه يابانيه ناعم حيل اسود
فيصل 14 سنه
.............
الخاله سلمى ام طارق / طارق 17 سنه ... سعود 15 سنه ... مالك 13 سنه
.............
الخال عبد الرحمن ابو خالد / ديما 21 سنه بنت طيبه وتحب اللي اصغر منها اكثر من اللي اكبر
ليان 19 سنه .... حنان 17 سنه .... خالد 15 سنه
.......................
سديم ام ماجد كانت قاعده تتقهوى مع ماجد واسير وددق جوالها
سديم تناظر " شموخه " هلا وغلا شموخ
شموخ بصوت كله بكى: خالتي انتي بالبيت ؟
سديم تخرعت : أي حبيبتي وش فيك ؟
شموخ : ابي أجي عندك متضايقه حيل حيل
سديم : ليش وش صاير ؟
شموخ: خالتي يوم أجيك أقولك في أحد يجي ياخذني
سديم : أي حبيبتي أكيد فيه صبري انتي ربع ساعه والجرس داق زين يمى
شموخ: زين وسكرت
سديم سكرت : الله يستر
ماجد : وش صاير يمى ؟
سديم : ماجد قم جيب بنت خالتك يلا
ماجد : أف
سديم : من دون تأفف يلا
ماجد : يوووه زين شوي بس أخلص من القهوى
سديم : ماجد
ماجد حط الفنجان بملل: زين زين بس لا ترفعين ضغطك يمى وقام
اسير تنهد ورفع حاجب
سديم : اسير خفض الصوت اشوي
اسير : زيين
شموخ جهزت شنطه حقت أسبوع والبست عبايتها واطلعت من الغرفه
مهند : يلا ماتبي تدخل ؟
منصور : الا .. وأنا جاي علشان أروح بس بمر البقاله
مهند: زين أنا داخل
منصور راح للبقاله ومهند دخل البيت : سلامو سلامو ويناظر البيت هدوء وراح لصاله مافي أحد " غريبه "
شموخ نازله وانتبه لها مهند
مهند يناظر بالشنطه بعدها شموخ : وين ؟
شموخ: ـــ
مهند : وين رايحه ؟
شموخ حطت شنطتها جمبها : عند خالتي سديم
مهند : أمس جايه من عندهم
شموخ : كنت عند خالتي سلمى
مهند: أي كلهم واحد
شموخ : ـــ
ممهند : أبوي معه خبر
شموخ حركت راسها لا
ممهند : انزين امي
شموخ : ـــ
مهند : ماتسمعين اكلمك انا !!
شموخ ارفعت راسها ناظرت فيه : لا
مهند ابتسم ابتسامه تفاجئ
شموخ بعدت نظراتها عنه
مهند : من جدك انتي رايحه ومحد داري عنك ؟
شموخ : مايحتاج أخلي أحد يدري
مهند: أقول حطي عقلك براسك واطلعي فوق يلا مافيه طلعه
شموخ : داقه على خالتي خلاص رايحه وشالت شنطتها ومشت
مهند مسك كتفها ولفها عليه وشموخ خافت
مهند: هيي هيي وين حنا ترى لا تنسين انك بنت أصل وماعندنا هالحركات
شموخ: ماسويت شي
مهند يقرب وجهه منها بتحذير : بنات كبار بالبيت ماعندنا وانتي اول وحده وتعرفين ان ماتطلعين الا بسئذان
شموخ عصبت : بس أنا مب رايحه الشارع رايحه عند خالتي
مهند بعد وجهه اشوي عنها : ولو تستئذنين دام حنا يلي مأكلينك ومشربينك .... ماتسوين شي على مزاجك
شموخ يوم قال كذا جرحها ولفت وجها بضيق قالت : انزين اتركني
مهند تركها : يلا على غرفتك مافيه روحه
شموخ ناظرت فيه بعناد : رايحه
مهند رفع ايده : أقول فوق
شموخ خافت من نبرات صوته اول مره تحسه يعصب عليها كذا وش هذا كل هذا علشاني ماأستئذنت
تجمعت دموعها وماحبت تكثر كلامها راحت واقعدت على الكرسي
نايف : نوف نوف
نوف بدون نفس ومعصبه : نعم
نايف : يمى وش فيك ؟
نوف : اخلص علي
نايف : كنت جاي اسولف معك بس هونت شكلي جاي بوقت غلط
نوف تنهدت
نايف : وش فيك ؟
نوف : قلت ابي اروح عند عمي معاذ اسلم على شموخ امي ماوافقت
نايف : تعرفين امي
نوف : لا مايصير كذا شموخ صغيره ولازم يكون في احد حولها ليش امي ماتفهم
نايف : تؤتؤ لا تقولين عن امي كذا
نوف :ـــ
نايف : خلاص اوعدك بكرى من عيوني اوصلك لها بس ها لا تعصبين الحين ابي اشاورك
نوف : صدق والله
نايف : اي
نوف : أي كذا فرحتني ... ايه في شنو تبي تشاورني
نايف : احم احم
نوف : ورى الاحم في بلا الدنيا
نايف ضحك
نوف : أي يلا شاور
نايف : احم ... وش رايك بمريوم ؟
نوف : من مريوم ؟
نايف : من مريوم غير بنت خالتي
نوف : اها اها اها وتغمز له : ليش وش عنده اخوي
نايف : ابد بس حبيت اسأل
نوف : ماتمشي علي ورى هالسؤال اكيد في عرس
نايف : ههههههه الله يرج ابليسك
نوف : اعترف يلا
نايف : لا مافي شي من هذا بس حبيت اسأل عنها بنت خالتي وانا حر
نوف : أي لا تحاول تخبي علي واضح انك ناوي على زواج
نايف :يلا نوف جاوبي علي انا أسألك وانتي بوادي
نوف : زين زين لا تنافخ
خوالهم هم
خالتهم فدوى / كريم 22 سنه .. فهد 20سنه ..تركي 18 سنه ..منار 15 سنه
خالتهم جنان /مريم 21 سنه .. مزنه 19 سنه .. حاتم 17 سنه
...................
شموخ تبكي بهمس وتمسح دموعها
مهند : شموخ وش فيك تبكين ؟
شموخ : مافيني شي بس بروح عند خالتي
مهند : شكل امي مضايقتك ؟
شموخ : لا
مهند : متأكده
شموخ : ايه
مهند : زين وينه ابوي ؟
شموخ : ماادري
ام مهند نازله :ماشاءالله ابوك علمك وانت ماصدقت على الله
مهند ؟؟: شنو يمى ؟
ام مهند جايه عندهم : اشوفك طرت جيت البيت كل هذي فرحه
مهند مستغرب وبنفس الوقت مب فاهم شي شموخ نفس الشي بس مااهتمت اصلا ولا كأنها تسمع
ام مهند تناظر فيه وبشموخ : قطيعه وراحت اقعدت
مهند راح عند امه قعد : وش فيك يمى متهاوشه مع ابوي ؟
ام مهند تناظر بشموخ بطرف اعيونها : اصلا وش عندنا انا وابوك غير الهواشات من يوم ادخلو بيتنا بعض ناس
شموخ اكتمت اللي فيها ماتبي تضعف قدامهم
مهند بصوت خافت : يمى وش هالكلام مايصير عيب
ام مهند تخزه : شنو العيب ؟
مهند : اه يمى ومسك ايدها : آسف وحقك علي بس يعني مايصير كذا
ام مهند سحبت ايدها : ايه الله يهنيكم انت وياها واعرف اني ماراح اجي ولا راح ابارك بعد سامع
مهند بدون فهم او استيعاب : تباركين وش السالفه ؟
شموخ يوم اسمعت كذا حست كأنها اعرفت الموضوع بس كانت شكوك ماهي متأكده
ام مهند طنشته
مهند : يمى تكلمي وش فيك مطنشه ؟
منصور دخل البيت : سلامو سلامو
مهند : يمى
ام مهند : وعليكم السلام
منصور جاي عندهم : اخباركم ؟
ام مهند : وشلون تبيها اكيد تجيب الهم
منصور : اه يمى والتفت ناظر شموخ بعباتها وبعدها انتبه لشنطه
منصور : وش قاعد يصير هنا ليش هالشنطه
ام مهند : أي شنطه ... وتناظر مكان مايناظر منصور وشافتها
مهند : لا تهتمون بالشنطه خلاص حلينا الموضوع
ام مهند بسخريه : ليش وين كانت رايحه حضرة الخانو ؟
شموخ : عند خالتي
منصور يناظر مهند : وش صاير ؟
مهند ؟: شموخ مب حنا
شموخ قاطعته : لاااا رايحه ولد خالتي جاي ياخذني بروووح
ام مهند ابتسمت سخريه والتفتت على التلفزيون بوناسه
منصور : ليش خير ؟
مهند : قلت ماراح تطلعين
شموخ : بس انا بروح
منصور راح عندهم وقف : شوي اشوي من البدايه وش صاير علشان اتروحين كذا فجأه امس جايه من بيت
خالتك ام طارق
شموخ : أي واليوم خالتي ام ماجد
منصور : زين رايحه تزورينها بس ليش هالشنطه
الجرس يدق وشموخ قامت
ام مهند : وانتي مستأذنه قبل تروحين ولا كذا من نفسك ؟
شموخ ماردت عليها
مهند: شموخ
شموخ : خلاص اتركوني في حالي ومشت
منصور مسكها : وقفي دام الكل قال مافيه روحه يعني مافيه ماتسمعين
أم مهند بستسلام : أنا ماقلت
الجرس يدق ويدق
مهند راح فتح الباب : هلا وغلا ماجد
ماجد : اهلين .. شموخ جاهزه ؟
مهند : شموخ ماراح تروح أي مكان
ماجد رفع حاجبه
شموخ تصارخ : فكني انا مابي أقعد هنا مابي أقعد معكم وتبكي
منصور : شموخ شموخ لا ليش تبكين
ماجد ماعجبه الوضع : وش قاعد يصير ؟
مهند : ولا شي آسفين عذبناك
ماجد ناظر فيه من تحت لفوق بسرعه ومشى عنده دفه على جمب ودخل
مهند : هييي
ماجد شاف منصور ماسك شموخ من ايدها والإيد الثانيه الشنطه
ماجد تضايق : شموخ وش صاير ؟
منصور : ماقاعد يصير شي بس هي هونت
شموخ : لا ماهونت أبي أروح
ماجد راح لها : امشي يلا ويناظر منصور : ابعد عنها
منصور : امس كانت معكم وش تبون منها بعد اليوم حنا اولى منكم
ماجد : أقول لا يكثر .. هي اللي داقه تبكي وش مسوين فيها ؟
مسك الشنطه ومسك ايد شموخ سحبها منه
مهند يأشر على الباب : اذا طلعتي من هالباب معد في دخله منه تسمعين
شموخ :ــ
منصور : مهند وش هالكلام الله ايهداك
مهند : مافيه بينا وبين خوالك أي شي بس انتي اللي راح تسببين هالشي
شموخ :ـــ
ماجد : يييييه وش هالكلام البنت جايه عندنا كم يوم قلبتوها حرب
ام مهند: وش نبي فيها خذوها مانبيها وجعلها ماادخلت من هالباب مره ثانيه
منصور : يمى
أبو مهند جاي وشاف الباب مفتوح ومهند واقف عنده ومشى ودخل :السلام
الكل ناظر فيه
أبو مهند يناظر فيهم الاربعه : وش فيكم متجمعين كذا وانتبه لشموخ والشنطه : وين ؟
ماجد : هي داقه علينا قالت تبي تجي عندنا بس عيالك ماقصرو مايبونها تطلع
أبو مهند : بس ليش أمس راجعه ؟
شموخ : عمي الله يخليك أبي أروح أقعد كم يوم الله يوفقك عمي
مهند : يبى هي كانت طالعه من دون اذن من حد لا تخلها تروح علشان تتعلم
ابو مهند انزعج: بس يييه
شموخ : عمي
ابو مهند : الكلام يرجع لمهند
مهند : قلت لا
ابو مهند ناظر شموخ
شموخ : وليش هو مب انت ... عمي واللي يسلمك بس كم يوم والله
ابو مهند : بس شموخ قلت القرار لمهند وهو قال لا
شموخ : وليش مهند وش دخله انت ولي امري ولا هو
ابو مهند : شموخ وسكت اشوي بعدها قال : انتي لولد عمك ... انتي لمهند
شموخ + مهند + منصور + ماجد صدمه مابعدها صدمه
ام مهند صح انها كان معها خبر بس مااحسبت ان كلامه جدي لهالدرجه
منصور بدون استيعاب والصدمه بعدها موجوده : يبى انت وش قاعد اتقول ؟
ابو مهند : اللي سمعتوه مهند لشموخ والشهر الجاي ملكه خلاص انا خطبتكم على سنة الله ورسوله
الكل صدمه ثانيه اقوى من الاولى بمليون درجه
انتهى البارت
يله ورونا الردود
^_^
